من 2016 بسبب فشلكم يا حكومة ما يغلاش عليكم البوكسر
 |
| من 2016 بسبب فشلكم يا حكومة ما يغلاش عليكم البوكسر |
كتب - محمد عنان Follow @3nan_ma
الوضع السياسي ريحته بقت وحشة
— Mohamed 3nan (@3nan_ma) May 29, 2025
الوضع الاقتصادي من سيء لأسوأ
الوضع الاجتماعي كل يوم رايح للحضيض !!
خاسر الوزيرين بيقول إن الحكومة بتوجيهات السيسي بتستلف عشان توفر وقت وفلوس،يعني احنا بندفع فوائد مليارات بالدولار عشان نوفر؟!،دى مش نكتة ده بيشرح الكارثة علشان يبرر فشلهم،ومستقبل إيه وإحنا بندفع فوائد سنويا أكتر من ميزانية التعليم والصحة سوا !!
— Mohamed 3nan (@3nan_ma) June 23, 2025
وفوق ده تباع لهم الجنسية على طبق من دهب، مجرد إنهم يشتروا عقار أو شقة من اللي اتبنت بفلوسنا وبالديون اللي ركبونا بيها.يعني باختصار: المصري اتقطع نسله واتحرم من حقه في حياة كريمة، واللاجئ بقى يتكرم ويتدلع أكتر منه.عناصر جهادية وسط اللاجئين فى مصر..اهو منكم وفيكم بيتكلموا عن الكوارث اللى ممكن تحصل اى لحظة،مش علشان الديون تهدر حق الناس وتشتغل مكب نفايات،وتخرب على البلد حاضرها ومستقبلها فى كل حاجة! pic.twitter.com/OecDdbQEgi https://t.co/2WllNOIZg0
— Mohamed 3nan (@3nan_ma) April 30, 2025
نص الفيديو
النهارده أنا جاي أقدّم عرض للحكومة: تبرّع ببُوكسر، هدية مني ليها أسود زي البترول، عشان خاطر البنزين والسولار.
بعرض على الملأ دعمي للحكومة المصرية "الرشيدة" ببُوكسر مني ليها ببلاش.
البلد اتقلبت في يومين! لقينا المواصلات، الأكل، وكل حاجة مولعة.
الحكومة ماشية بمبدأ: "أفشخك وبعد كده أخيطك".
مش حتى تديك مسكنات أو مقويات تاخد بيها الخازوق بالراحة!
بيقولوا "نعوّم الجنيه" عشان مشكلة الدولار،طب نفهم يعني إيه تعويم؟
لو في طلب على العملة المصرية، قيمتها بتزيد،لو مفيش طلب؟ الجنيه يبقى مرمي في الأرض زي ما إحنا شايفين من سنين،طيب امتى يكون عليه طلب؟
لما صادراتك تبقى أكتر من وارداتك....بس اللي حاصل العكس.
وكل القنوات والإعلام يقولوا "قرار شجاع" و"أزمة وهتعدي".
وإحنا معاكم ماشي، بس الأزمة دي لازم تكون فيها عدالة.،إنت كحكومة، عندك ناس على الضمان بياخدوا 320 جنيه،وده أقل من الحد الأدنى اللي هو أصلًا 1200 جنيه، والناس مش لاقية تمشي بيه !!الإعلام المصرى فقد مصداقيته من2011 لما كان المتلونين ليهم مواقف قبل وبعد مع مبارك،ووصلنا لحكم الاخوان وكان فى صراعات لصالح الانقسام الشعبي، وبعدين وصلنا لمرحلة السيسي الصوت الواحد اللى همه رضاه على حساب الناس وتخلوا عن دورهم الاساسي فى التوعية والنقد وتعدد الاصوات المعبره عن الكل
— Mohamed 3nan (@3nan_ma) June 28, 2024
طب اللي بياخدوا 2000 أو أقل؟ هيعيشوا إزاي بعد الغلاء اللي حاصل ده؟
إحنا بقى معدش في إيدينا غير البُوكسرات نبيعها عشان نعرف نعيش.
كل شوية تقولوا "اقفوا جنب مصر"، طب هي مصر هتقف جنب مين؟
إنت سياستك غلط من الأساس!
جيت عملت قناة السويس الجديدة، جبت معدات من برا،
وصرفت مليارات بالدولار اللي مش موجود أصلاً.
وسايب الداخل يولع!
وطالما مفيش عدل بين فئات المجتمع،اللي فوق: ظباط جيش وشرطة، قضاة، إعلاميين، لعيبة كورة، فنانين، ورجال أعمال.
واللي تحت: المهندسين، الدكاترة، المدرسين، الصيادلة. دول كلهم بقوا في الطبقة اللي بتجدح ومش قادرة تعيش
وبيضحكوني لما يقولك "استحملوا عشان الجيل الجاي"!تدمير اى دولة بيبتدى بتدمير الطبقة المتوسطة
— Mohamed 3nan (@3nan_ma) October 19, 2024
فى تدميرها هتوقف اهتمام الاسر بتعليم ولادها ويظهرلك الإضمحلال الثقافي
وهتوقف همزات الوصل بين الطبقات الاعلى دخلا والاقل
هتقضي على المشاريع الصغيره وتوفير فرص للعماله الكتيره
الانشغال بلقمة العيش هيمنعك تفكر فى السياسة او حقك الدستورى
مين الجيل الجاي؟! ده إحنا لسه ما جبنهوش!
طب وإحنا؟ ما إحنا عايشين إزاي دلوقتي؟
تفكيركم جاي من تحت... من تحت البُوكسر.
.png)
مش نزود المرتبات، لأ...
بس نبطل طيارات غلاء في الأسعار كل يوم.
ليه؟ لأن المرتبات ثابتة والأسعار طايرة!
وللعلم، ده جزء من قرارات صندوق "النكد" الدولي،
اللي بيطلب منك تشيل الدعم وتنفّذ طلباته عشان يسلفك.
ولسه فيه قرارات جاية في السكة أسود من اللى فاتت
يعني لما الحكومة تقول "ما تاخديش بُوكسر واحد"،
أنا بقول: خدي بوكسرالـــ ....، وخدوا بُوكسر العيال كمان!
ربنا يخيب ظننا في اللى جاى...وللاسف كل ما هو أسوأ ينفذ امامنا
أخطر سلاح عند أي نظام مش الجيش ولا الإعلام ولا الأمن وبس، أخطر سلاح إنك تصدق إنه مفيش بديل، والمحزن اكتر إهتزاز اليقين عند البعض،لكن انا مؤمن ان عجلة القدر لها كلمه، وممكن تنقلب فى لحظه على كل ظالم مستبد.
— Mohamed 3nan (@3nan_ma) June 1, 2025
الانضمام إلى المحادثة